Bu komandaya texniki məğlubiyyət verildi

AFFA Region Liqasında çıxış edən iki komandaya texniki məğlubiyyət verilib.

Metbuat.az xəbər verir ki, bu barədə AFFA məlumat yayıb

İmişlinin "Araz" komandası "Hacıqabul" kollektivi ilə görüşün 86-cı dəqiqəsində meydanı tərk etdiyi üçün bu halla üzləşib. Oyun başa çatmadığından bölgə təmsilçisinə 0:3 hesablı texniki məğlubiyyət verilib.

"Crystal" isə "Samur"la qarşılaşmada təyin olunan vaxtda meydana çıxmayıb. Bu səbəbdən onlar da 0:3 hesablı texniki məğlubiyyətə məruz qalıblar.