"Traktor Sazi" qələbə qazandı

Futbol üzrə İran çempionatında 10-cu turun oyunları keçirilib.

Milli.Az xəbər verir ki, Cənubi Azərbaycanı təmsil edən klublar da növbəti matçlarına çıxıblar.

"Maşin Sazi" səfərdə "Nassaji Mazandaran" ilə qarşılaşıb və heç-heçəyə razılaşıb - 0:0.

Təbrizin daha məşhur "Traktor Sazi" klubu isə doğma meydanda "Sepidrud Rəşt" ilə üz-üzə gəlib. "Xəzər Lənkəran"ın sabiq baş məşqçisi, uelsli mütəxəssis Con Toşakın çalışdırdığı "traktorçular" bu oyundan qələbə ilə ayrılıb - 2:1.

10 turdan sonra 16 xala malik "Traktor Sazi" 16 iştirakçı arasında 5-ci, "Maşin Sazi" isə 10 xalla 10-cu pillədə qərarlaşıb.

Milli.Az