Yunanıstanda ingilis azarkeş bıçaqlandı

İngiltərənin "Burnley" komandasının azarkeşləri "Olimpiacos"a qarşı futbol üzrə Avropa Liqasının pley-off mərhələsinin ilk oyununu izləmək üçün getdikləri Yunanıstanda hücuma məruz qalıblar. 

Milli.Az goal.az-a istinadən xəbər verir ki, fanatlardan biri bıçaq yarası alıb. Daha dörd nəfərə isə bədən xəsarətləri yetirilib. Onlara oyundan əvvəl hücum edilib. Zərərçəkənlərə stadionda yardım göstərilib. 

Qarşılaşmanı "Burnley"in 900-dək azarkeşi izləyib. Hazırda İngiltərə klubu Yunanıstan polisi və "Olimpiacos"la birgə hadisənin araşdırıması ilə məşğul olur. 

Qeyd edək ki, görüş "Olimpiacos"un 3:1 hesablı qələbəsi ilə yekunlaşıb. 

Milli.Az