"Neftçi" 5 günlük istirahətə buraxıldı

"Neftçi" bu gün səhər növbəti məşqə çıxıb.

Milli.Az xəbə verir ki, komanda "Türk Hava Yolları Futbol Mərkəzi"ndə hazırlıq keçib. Məşqdə Ruslan Abışov, həmçinin Azərbaycan və Haiti milli, U-21 yığma komandalarının düşərgəsində olan futbolçular iştirak etməyiblər. Hazırlıq prosesindən sonra komanda üzvləri istirahətə buraxılıblar. Məşqlər sentyabrın 5-də bərpa olunacaq.

Xatırladaq ki, Azərbaycan milli komandasının UEFA Millətlər Liqasında, U-21 yığmamızın isə Avropa çempionatının seçmə mərhələsində keçirəcəyi oyunlar səbəbindən Topaz Premyer Liqasında fasilə yaranıb. "Neftçi" növbəti görüşünü sentyabrın 16-da keçirəcək. Komandamız həmin gün 4-cü tur çərçivəsində "Keşlə"ni qəbul edəcək.

Milli.Az