"Krılya Sovetov" Ramil Şeydayevsiz məğlub olub - FOTO

Azərbaycan millisinin futbolçusu Ramil Şeydayevin komandası Rusiya Premyer Liqasının V turunda növbəti dəfə məğlub olub.

Milli.Az "report"-a istinadən bildirir ki, "Krılya Sovetov" Tümenə yollandığı səfər matçında Krasnoyarsk "Yenisey"inə 0:1 hesabı ilə uduzub.

Oyunda yeganə qolu 44-cü dəqiqədə Mixail Kostükov vurub.

"Krılya" matçın yarıdan çoxunu azlıqda keçirib. 35-ci dəqiqədə Oleq Lanin ikinci sarı vərəqəni alaraq meydandan qovulub.

Ramil Şeydayev komandanın heyətində yer almayıb.

"Krılya Sovetov" hazırda 5 oyuna 4 xalla axırdan ikinci - 15-ci yerdə qərarlaşıb. Andrey Tixonovun yetirmələri növbəti matçı sentyabrın 1-i "Samara Arena"da Mahaçqala "Anji"sinə qarşı keçirəcək. Görüş Bakı vaxtı ilə 16:00-da başlayacaq.

Rusiya Premyer Liqası. 5-ci tur

"Yenisey" - "Krılya Sovetov" - 1:0

Qol: 1:0 - Kostükov - 44

Milli.Az