Səkkiz yaşadək oğlanlar və qızlar arasında şahmat yarışına start verilib

Bakı, 3 aprel,

AZƏRTAC

Bakı Şəhər Gənclər və İdman Baş İdarəsi (BŞGİBİ) tərəfindən Respublika Şahmat Mərkəzində 2007-ci il təvəllüdlü (8 yaşadək) və daha kiçik yaşlı oğlanlar və qızlar arasında şahmat üzrə paytaxt birinciliyinə start verilib.

BŞGİBİ-dən

AZƏRTAC

-a bildiriblər ki, yarışda 62 idmançı (30 qız) iştirak edir. Yarışlar beynəlxalq dərəcəli hakim Nurəli Məmmədzadənin rəhbərliyi ilə İsveçrə sistemi üzrə keçirilir.

Oğlanlar və qızlar arasında ilk 5 yeri tutan idmançı mayda keçiriləcək respublika final mərhələsinə vəsiqə qazanacaqlar.