Şahmat üzrə sabiq dünya çempionları Vüqar Həşimov memorialının 4-cü turunda sülh bağlayıblar

Şəmkir, 20 aprel, Samirə Allahverdiyeva,

AZƏRTAC

Şəmkirdə beynəlxalq qrossmeyster Vüqar Həşimovun xatirəsinə həsr olunan “Shamkir Chess 2015” turniri davam edir.

AZƏRTAC

xəbər verir ki, turnirin aprelin 20-də keçirilən dördüncü turunda Fransa təmsilçisi Maksim Vaşye-Laqrav ilə italiyalı Fabiano Karuana sülh bağlayıblar. Rəqiblər 39-cu gedişdə heç-heçəyə razılaşıblar.

Sabiq dünya çempionları rusiyalı Vladimir Kramnik və hindistanlı Vişvanatan Anand da sülh bağlayıblar. Rəqiblər 38-ci gedişdə heç-heçəyə razı olublar.

Rauf Məmmədov - Uesli So, Şəhriyar Məmmədyarov - Aniş Giri, Maykl Adams - Maqnus Karlsen arasında oyunlar davam edir.

Vüqar Həşimov memorialı aprelin 26-dək davam edəcək.