Şahmat üzrə dünya çempionu Maqnus Karlsen Vüqar Həşimovun xatirə turnirində ilk qələbəsini qazanıb

Şəmkir, 18 aprel, Samirə Allahverdiyeva,

AZƏRTAC

Şəmkirdə Vüqar Həşimovun xatirəsinə həsr olunmuş “Shamkir Chess 2015” turnirinin ikinci turu davam edir.

AZƏRTAC

xəbər verir ki, bu turda ağ fiqurlarla oynayan dünya çempionu Maqnus Karlsen Azərbaycan qrossmeysteri Şəhriyar Məmmədyarova qalib gəlib. Norveçli şahmatçı 29-cu gedişdə qələbəni bayram edib. Böyük britaniyalı Maykl Adams italyan Fabiano Karuana ilə 26-cı gedişdə heç-heçəyə razılaşıb.

Hazırda Vladimir Kramnik (Rusiya) – Uesli Sou (ABŞ), Maksim Vaşye-Laqrav (Fransa) – Vişvanatan Anand (Hindistan), Aniş Giri (Niderland) – Rauf Məmmədov (Azərbaycan) partiyaları davam edir.

Vüqar Həşimovun xatirəsinə həsr olunmuş turnir aprelin 26-dək davam edəcək.