Sabiq dünya çempionu "Naxçıvan Open 2015"də iştirak edəcək

May ayının 1-dən 11-dək Naxçıvan şəhərində Heydər Əliyevin xatirəsinə həsr olunmuş "Naxçıvan Open 2015" turniri keçiriləcək. 

Metbuat.az-ın xəbərinə görə, beynəlxalq şahmat festivalında keçmiş dünya çempionu, Özbəkistanın bir nömrəli şahmatçısı Rustam Kasımcanov ( beynəlxalq əmsalı - 2712) da iştirak edəcək.

Qeyd edək ki, festival çərçivəsində 3 turnir (A-güclülər, B-əmsalı 2250-dən az olanlar və C- uşaqların turniri) keçiriləcəkdir. A-turnirində Kasımcanovla yanaşı, qadınlar arasında dünya çempionu - Çin təmsilçisi Hou Yifan da daxil olmaqla 15-dək ölkədən bir sıra tanınmış şahmatçılar iştirak edəcəklər. Yarış isveçrə sistemi üzrə 9 turdan ibarət olacaq.Turnirin ümumi mükafat fondu 40000 dollar təşkil edir.