"Kimsə məni görmək istəmirsə, onda gedə bilər"

PSJ-nin isveçli ulduzu Zlatan İbrahimoviç Fransanı tərk etmək fikrində deyil.

ANS PRESS-in məlumatına görə, iki həftə əvvəl “Bordo” ilə oyundan sonra futbolçu həm hakimləri həm də ölkəni təhqir etmişdi. AÇ-2016-nın seçmə oyunları ilə əlaqədar ölkəsinə yollanan İbrahimoviç yenidən Fransaya geri dönüb. Mövsümün sonunda PSJ-dən ayrılacağı ilə bağlı xəbərlərə isə Zlatan İbrahimoviç belə cavab verib:

“PSJ-dən gedəcəyimi yazanlar yalan məlumatlar yayırlar. Fransada yaşamaq mənə xoş olmasaydı, çoxdan bu ölkəni tərk edərdim. Əslində klub mənimlə müqaviləni artırmağa hazırlaşır. Hələ bir müddət PSJ-də oynayıb komandaya xeyir vermək istəyirəm.Kimsə məni görmək istəmirsə, onda Fransadan gedə bilər”

Mənbə
ANS PRESS