"Fənərbaxça" liderliyə yüksəldi (VİDEO)
Türkiyə superliqasında 27-ci tura yekun vurulub.
ANS PRESS-in məlumatına görə, son oyun günündə daha iki qarşılaşma keçirilib.
Doğma azarkeşləri önündə "Bursaspor"la qarşılaşan "Fənərbaxça" rəqibini minimal hesabla məğlub edib. Oyunun 84-cü dəqiqəsində Vebonun vurduğu qol "Fənərbaxça"nı liderliyə yüksəldib. Oyunda "Bursaspor"un vurduğu qol hesaba alınmayıb.Hakimin bu şübhəli qərarı "Bursaspor"un təcrübəli çalışdırıcısı Şenol Günəşi özündən çıxarıb.
Digər oyunda "Mersin" evdə "Akhisar"la üz-üzə gəlib. Bu görüşdə qalib müəyyənləşməyib. Matçın son saniyələrində qapısında top görən "Mersin" qələbəni əldən verib.
20 aprel
Türkiyə superliqası, 27-ci tur
"Fənərbaxça" - "Bursaspor" - 1:0
Qol: Vebo, 84 (1:0)
"Mersin" - "Akhisar" - 1:1
Qollar: Vederson, 55-pen (1:0), Kisa, 90+5 (1:1)
ANS PRESS