Bakıda növbəti möhtəşəm turnir

Bakı, 2 aprel,

AZƏRTAC

Aprelin 9-11-də Azərbaycan Respublikası Atçılıq Federasiyasının təşkilatçılığı ilə Binə qəsəbəsində yerləşən “Binə Atçılıq Mərkəzi”nin açıq manejində atçılığın konkur növü üzrə “Bahar Kuboku” adlı CSI2* kateqoriyalı beynəlxalq turnir keçiriləcək.

AZƏRTAC

Federasiyanın saytına istinadla xəbər verir ki, turnirə Azərbaycan, Gürcüstan, Türkiyə, Ukrayna, İran və s. ölkələrin idmançıları dəvət olunub. Yarışlarda ümumilikdə 25-ə yaxın çapar 50-dək atla mübarizə aparacaq. Turnirə Azərbaycan, Türkiyə, Rusiya, Bolqarıstan və İrandan dəvət olunacaq hakimlər kollegiyası nəzarət edəcək.

Turnirin ümumi mükafat fondu 53 min avro təşkil edir.