Azərbaycan çempionatı: "Simurq" "Qarabağ"a, "Neftçi" "Qəbələ"yə qarşı

Bu gün Azərbaycan Premyer Liqasında 30-cu turun oyunları keçiriləcək.

Qol.az

-ın məlumatına görə, turun bütün oyunları eyni gündə baş tutacaq.

Ötən turda səfərdə "Qarabağ"a uduzmaqla avrokuboklara getmək şansını azaldan AZAL klubu öz meydanında "Sumqayıt"ıa qarşılaşacaq. "AZAL Arena"da keçiriləcək oyun saat 16:00-da başlayacaq.

Paytaxt derbisində "Bakı" və "İnter" üz-üzə gələcək. Çempionluq uğrunda mübarizəsini davam etdirən "İnter" bu görüşdə qələbə qazanmağa çalışacaq. Cari mövsüm heç də yaxşı günlərini yaşamayan "Bakı"nın "İnter"ə necə müqavimət göstərəcəyi maraqla gözlənilir.

Zaqatalada yerli "Simurq" klubu "Qarabağ"ı sınağa çəkəcək. Premyer Liqada turnir cədvəlinə başçılıq edən Ağdam təmsilçisi bu görüşdə qələbə qazanmaqla liderliyini bir qədər də möhkəmləndirəcək. Lakin evdə güclü təsir bağışlayan "Simurq"un "Qarabağ"dan xal almağa çalışacaq.

Günün son qarşılaşmasında "Neftçi" və "Qəbələ" münasibətlərinə aydınlıq gətirəcək. Komandaların turnir cədvəlinin qonşu pillələrində qərarlaşdığını nərəzə alsaq, azarkeşləri maraqlı oyunun gözlədiyini söyləmək olar. Hazırda dördüncü pillədə olan "Qəbələ" bu görüşdə qələbə qazanacağı təqdirdə, "Neftçi" ilə xal fərqini 3-ə endirəcək. Əks təqdirdə bu komandalar arasındakı xal fərqi 9-a yüksələcək.

 

 

17 aprel

Azərbaycan Premyer Liqası, 30-cu tur

16:00. AZAL – “Sumqayıt”

Hakimlər: Orxan Məmmədov, Elman Musayev, Elşən Acalov, Etibar Həsənov

“AZAL Arena”.

16:00. “Bakı” – “İnter”

Hakimlər: Vüsal Əliyev, Munis Abdullayev, İsgəndər Əliyev, Xəlil Xəlilov

“Bakı” FK-nın təlim-məşq bazasının stadionu.

18:00. “Simurq” – “Qarabağ”

Hakimlər: Rəhim Həsənov, Nahid Əliyev, Azər Əsgərov, Elvin Əsgərov

Zaqatala şəhər stadionu.

20:00. “Neftçi” – “Qəbələ”

Hakimlər: Əliyar Ağayev, Namiq Hüseynov, Vaqif Musayev, Mahir Məmmədov

“Bakcell Arena“.

N    Klublar                 O    Q     H     M    T-F       X

1    Qarabağ              26    17    6     3    42-22    57

2    İnter                    25    12    11    2    40-12    47

3    Neftçi                   26    13    7    6    32-20    46

4    Qəbələ                26    11    7     8    35-32    40

5    Simurq                26    10    5    11    35-28    35

6    AZAL                   26    8     7    11    28-37    31

7    Xəzər Lənkəran   26    7     6    13    32-40    27

8    Sumqayıt             25    4     8    13    23-36    20

9    Bakı                     26    2     7    17    16-56    13

10    Araz Naxçıvan    0     0     0     0        0-0       0

Bombardirlər:

Draqan Çeran ("Simurq") - 12 qol

Nurlan Novruzov ("Bakı") - 12 qol

Reynaldo Silva ("Qarabağ") - 9 qol

Freddi Mombonqo (AZAL) - 8 qol

Mikel Alvaro (“İnter”) - 8 qol

Franka Nildo ("İnter") - 8 qol    

Məhəmməd Qurbanov (“Sumqayıt”) - 8 qol

Cavid Hüseynov ("Qəbələ") - 8 qol

Nikolas Kanales ("Neftçi") - 8 qol

Rəşad Eyubov ("Simurq") - 7 qol

Milli.Az