Velosipedçimiz “Panevejis-2015” turnirində iki medala sahib olub

Bakı, 10 mart,

AZƏRTAC

Litvanın Panevejis şəhərində velosiped idmanının trek növü üzrə Beynəlxalq Velosipedçilər İttifaqının 1-ci kateqoriyalı “Panevejis-2015” turnirində Azərbaycan yığması iki medal qazanıb.

AZƏRTAC

xəbər verir ki, ilk yarış günü 500 metr məsafəyə sprint növündə qızıl medal əldə edən Olqa İsmayılova, 200 metrə mübarizədə də fəxri kürsüyə qalxmağı bacarıb. O, yalnız yerli idmançıdan geri qalmaqla turnirin gümüş medalını qazanıb.

Digər idmançılarımıza gəlincə, ağır zədədən sonra yenidən məşqləri bərpa edən Sergey Omelçenko keyrində 5-ci, 200 metr məsafəyə sprint yürüşündə 8-ci olub.

Yığmamızın gənc üzvü Nicat Niftəliyev isə sprintdə 14-cü nəticə göstərib.