"Qələbə qazanmağa borclu idik"

"Qələbə qazanmağa borclu idik. Çünki azarkeşlərimizin önündə oynayırdıq və bu görüşə qədər keçirdiyimiz 4 matçdan xal toplaya bilməmişdik".

Qol.Az

-ın məlumatına görə, bu sözləri milli komandamızın hücumçusu

Cavid Hüseynov

"Avro-2016"nın seçmə mərhələsində Maltaya qalib gəldikləri oyundan sonra jurnalistlərə açıqlamasında deyib.

C.Hüseynov erkən qolun komandanın daha rahat oynamasına səbəb olduğunu bildirib: "Qol vurduğum üçün çox xoşbəxtəm. Oyundan öncə mənə yaxın insanların hamısı deyirdi ki, bu oyunda qol vuracaqsan. Baş məşqçinin meydana buraxdığı "11"likdə sürpriz oyunçu yox idi. Qələbə qazanmağımıza baxmayaraq, elə də yaxşı oynamadıq.

Erkən qol vurmağımız bizi bir qədər rahatlaşdırdı. Amma yenə də xarakter nümayiş etdirib, ikinci qolu vurduq. Layiqli qələbə qazansaq da, üzərimizdə işləməliyik. Hazırda istədiyimiz sistemlə oynayırıq. Çox top saxlamaq, əsasən hücumda oynamaq yaxşı amildir. Prosineçkinin sisteminə zamanla uyğunlaşacağıq".

Qeyd edək ki, yığmamızın Maltaya 2:0 hesabı ilə qalib gəldiyi oyunda hesabı 3-cü dəqiqədə Cavid Hüseynov açıb.

Milli.Az