Prosineçkinin həmyerliləri millimizə "toy tutdu"

Bu gün Bakıda 17 yaşadək futbolçulardan ibarət yığma komandalar arasında Avropa çempionatının elit mərhələsinin 2-ci qrupunun oyunlarına start verilib.

ANS PRESS-in məlumatına görə, ilk oyun günündə iki qarşılaşma baş tutub.

Əvvəlcə Portuqaliya və Serbiya yığmaları üz-üzə gəlib. Oyun 0:0 hesabı ilə başa çatıb.

Turun ikinci oyununda isə millimiz Xorvatiyanı sınağa çəkib. A millimizin baş məşqçisi Robert Prosineçkinin həmyerliləri komandamıza divan tutub - 4:0.

Avropa çempionatı

Elit-raund (U-17)

2-ci qrup, 17 mart

Portuqaliya - Serbiya 0:0

Xorvatiya - Azərbaycan 4:0

Qollar: Karlo Mayiç, 23; 62. Martin Erlik, 64. Adrian Bleciç, 79.

Mənbə
ANS PRESS