İdman
"Neftçi"nin futbolçuları milliyə çağırılmayanda...
Azərbaycan millisi AVRO-2016-nın seçmə mərhələsinin Malta ilə oyununu “Neftçi”nin futbolçuları olmadan keçirdi.
Milli.Az apasport.az-a istinadən xəbər verir ki, yığmamızın 23 illik tarixində 15-ci dəfə belə hal yaşanıb.
Milli.Az apasport.az-a istinadən xəbər verir ki, yığmamızın 23 illik tarixində 15-ci dəfə belə hal yaşanıb.
Buna xorvatiyalı baş məşqçi Robert Prosineçkinin debüt qarşılaşmasının hazırlıqlarına paytaxt təmsilçisinin heç bir üzvünü dəvət etməməyi səbəb olub. Nəticədə yığmamız ümumilikdə 15-ci, seçmə mərhələlərdə 7-ci dəfə Bakı klubunun üzvlərinə ehtiyac duymayıb.
Komandamız yarandığı 1992-ci ildən 1998-ci ilədək fasiləsiz 6 il “Neftçi”nin üzvləri olmadan heç bir matça çıxmayıb. 212 qarşılaşmaya çıxan millimizin Maltayadək “ağ-qaralar”sız son oyunu 2014-cü il avqustun 20-də Özbəkistana qarşı yoxlama matçı idi.
Qeyd edək ki, “Neftçi” üzvlərinin olmadığı görüşdə millimiz Maltanı 2:0 hesabı ilə üstələyib. Bu da komandamızın “ağ-qaralar”sız 4-cü qələbəsidi. 5 heç-heçə və 6 məğlubiyyəti olan yığmamız 12 top vurub, 21-ni buraxıb.
Milli.Az
Milli.Az