Murmansk vilayətində yaşayan həmyerlimiz fəxri kürsünün ən yüksək pilləsinə qalxıb

Murmansk, 7 mart,

AZƏRTAC

Rusiya Federasiyasının Murmansk vilayətinin Oleneqorsk şəhərində 18-20 yaşlı idmançılar arasında yunan-Roma güləşi üzrə yarışlar keçirilib.

Ümumrusiya Azərbaycanlılar Konqresinin Murmansk regional bölməsinin və Rusiyanın Azərbaycanlı Gənclər Birliyinin yerli nümayəndəliyinin mətbuat katibi Əlihüseyn Şükürovun

AZƏRTAC

-a verdiyi məlumata görə, 50 kiloqrama qədər çəki dərəcəsində fəxri kürsünün ən yüksək pilləsinə bizim həmyerlimiz - əslən Lənkəran rayonunun Boladi kəndindən olan, hazırda Murmanskda yaşayan Rahid Nəsirzadə qalxıb.