"Maltaya yuxarıdan aşağı baxmırıq"

Milli.Az Azərbaycan yığmasının və "Qarabağ"ın hücumçusu

Vüqar Nadirov

un

azerisport.az

-a müsahibəsini təqdim edir.

- Azərbaycan yığması Malta ilə sonuncu dəfə 2013-cü ildə, Bakıda yoxlama oyunu çərçivəsində üz-üzə gəlib və 3:0 hesabıyla qalib gəlib. Həmin heyətdən bəziləri indi də millidədir. Bu, sizi arxayınlaşdırmır ki?

- Biz onlara yuxarıdan aşağı baxmırıq. Gözəl başa düşürük ki, Malta zəif rəqib deyil. Amma onlar güclü dədeyil. Öz oyunumuzu göstərməyə və qələbə qazanmağa çalışacağıq.

- Artıq indidən demək olar ki, azarkeşlər növbəti xal itkisini qəbul etməyəcəklər?

- Razıyam. Biz onları sevindirməliyik.

- Robert Prosineçkinin açıqladığı heyətdə "Neftçi"nin heç bir futbolçusunun olmaması böyük təəccübə səbəb oldu...

- Bu, baş məşqçinin qərarıdır. Biz onu müzakirə edə bilmərik. Əlbəttə, Rauf Əliyevi, Araz Abdullayevi də heyətdə görmək istərdik. Amma bir halda ki, baş məşqçi dəvət etməyib, belə də olmalıdır.

- Bəs komandaya yeni dəvət alan futbolçular barədə nə düşünürsünüz?

- Onların komandaya nə dərəcədə faydalı olacağını zaman göstərəcək.

- Bəs Eddi İsrafilov barədə nə deyə bilərsiniz?

- O, İspaniyanın "Qranada" klubunda, yəni top-çempionatda çıxış edir. Əminəm ki, millimizə faydalı olacaq.

- Siz "Qarabağ"ın son iki kubok oyununda dörd qol vurdunuz. Amma yığma komandada uzun müddətdir ki, fərqlənə bilmirsiniz...

- Bəli, çoxdandır qol vurmuram. Sonuncu dəfə Avstriya ilə Bakıdakı oyunda (1:4) fərqlənmişəm. Amma ümid edirəm ki, tezliklə millidə də qol vurmaq şansı qazanacağam.

- Seçmə mərhələ öncəsi hədəfin 3-cü yeri tutmaq olduğu bildirilirdi. Qarşıda altı oyun var. Sizcə, hələ şansımız var?

- Hazırda biz yalnız qarşıdakı Malta ilə oyunu düşünürük. Ondan sonra nə olacağına isə baxacağıq. Əgər turnir cədvəlində irəliləmək üçün şans olacaqsa, niyə də bundan yararlanmayaq.

Milli.Az