Bu gecə həyəcan başlayır

Bu gün Çempionlar Liqasında 1/8 final mərhələsinin oyunları davam etdiriləcək. ANS PRESS-in məlumatına görə, bu gecə iki qarşılaşma baş tutacaq.

"Atletiko" "Bayer"i qəbul edəcək. Madrid klubu səfərdə bu komandaya 0:1 hesabı ilə uduzub. Matçı italiyalı FIFA referisi Nikola Rizzoli idarə edəcək.

Günün digər oyununda isə "Monako" "Arsenal"ı sınağa çəkəcək. Fransa klubu Londonda baş tutan ilk oyunda 3:1 hesablı qələbə qazanıb. Görüşü norveçli Svein Oddvar Moen idarə edəcək.

Qeyd edək ki, "Real" (İspaniya), "Bavariya" (Almaniya), PSJ (Fransa) və "Portu" (Portuqaliya) 1/4 finala çıхıb. Qalan iki vəsiqənin sahibi sabah müəyyənləşəcək. "Barselona" (İspaniya) "Mançester Siti"ni (İngiltərə), "Borussiya" (Dortmund, Almaniya) isə "Yuventus"u (İtaliya) sınağa çəkəcək.

Çempionlar Liqası

1/8 final

Cavab oyunları

17 mart

23.45 Atletiko (İspaniya) - Bayer (Almaniya)

Hakimlər: Nikola Rizzoli, Mauro Tonolini, Lorenzo Manyanelli, Alessandro Kostanzo (İtaliya).

Əlavə köməkçi hakimlər: Luka Banti, Antonio Damato (İtaliya).

İlk oyun - 0:1.

Madrid. "Visente Kalderon" stadionu.

23.45 Monako (Fransa) - Arsenal (İngiltərə)

Hakimlər: Svein Oddvar Moen, Kim Tomas Haqlund, Frank Andas, Sven Erik Midtyell (Norveç).

Əlavə köməkçi hakimlər: Ken Henri Yohnsen, Svein-Erik Edvartsen (Norveç).

İlk oyun - 3:1.

Monako. II Luis stadionu.

Mənbə
ANS PRESS