"Belə rəqiblər daha təhlükəli olurlar"

Milli.Az futzal üzrə Azərbaycan yığmasının üzvü

Amadeu

nun

azerisport.az

-a müsahibəsini təqdim edir.

- Komanda qrupdakı ilk iki oyundan sonra toparlanıb?

- Bəli, biz özümüzü yaxşı hiss edirik. Kifayət qədər gücümüz var ki, Ukrayna ilə həlledici oyuna çıxaq. Bizi qrupda çox vacib oyun gözləyir. Öz meydanımızda maksimum xal toplamağa çalışmalıyıq.

- Məğlub olsanız, pley-offda oynamalı olacaqsınız...

- İndi biz bu barədə düşünmürük. Öz meydanımızda çıxış etdiyimiz üçün güclü dəstəyə malik olacağıq. Həm də bizi heç-heçə də qane edəcək. Belə olan şəraitdə Ukraynaya uduzmaq olmaz.

- Komandamız Danimarkaya qarşı sərgilədiyi oyunla Ukraynaya qalib gələ bilər?

- Danimarka Ukrayna səviyyəsində komanda deyil. Biz onlara qarşı daha yaxşı və aqressiv oyun sərgiləməliyik. Baxmayaraq ki, Danimarka ilə də yaxşı oynamışdıq. Məhz bunun nəticəsi olaraq, biz hətta son oyunda heç-heçə sayəsində də mərhələ adlamaq şansı verən nəticəyə nail olduq.

- Rəqibin əsas üstünlükləri nədədir?

- Onların fərdi baxımdan güclü oyunçuları var. Amma Ukrayna kollektiv oyununa görə daha güclüdür. Belə rəqiblər daha təhlükəli olurlar. Biz isə əksinə, fərdi cəhətdən daha güclüyük.

- Tino Peresin az qala hər dəqiqə fərqli heyəti meydana buraxmasına münasibətiniz necədir?

- Bu, baş məşqçinin qərarıdır və mən buna qarşı çıxa bilmərəm. O, oyunu belə görür. Digər tərəfdən oyunçular üzərində yüklənmə çox olmur. Hamısı həm oynamaq, həm də istirahət etmək imkanı qazanır.

Milli.Az