Azərbaycan şahmatçısı “Reykyavik Open-2015” beynəlxalq turnirində üçüncü pilləyə yüksəlib

Bakı, 18 mart,

AZƏRTAC

İslandiyada keçirilən “Reykyavik Open-2015” beynəlxalq şahmat turnirinin başa çatmasına bir tur qalıb.

AZƏRTAC

xəbər verir ki, turnirin doqquzuncu turunda təmsilçilərimizdən Şəhriyar Məmmədyarov polşalı Yacek Stopa üzərində qələbə qazanaraq 7 xalla üçüncü pilləyə yüksəlib. Zeynəb Məmmədyarova bu turda aktivinə xal yaza bilməyib.

Sonuncu turda Ş.Məmmədyarovun rəqibi Hindistan təmsilçisi Abhiyet Qubta olacaq. Z.Məmmədyarova isə belçikalı Yen–Xristofe Syari ilə qarşılaşacaq.