Novruz Məmmədov: "Avropa İttifaqı elə addımlar atmalıdır ki, tərəfdaşlarının onun etibarına və səmimiyyətinə inamı azalmasın"

[ 21 Aprel 2015 14:38 ]

Bakı. Ülkər Bəkirli - APA. “Avropa İttifaqı elə addımlar atmalıdır ki, tərəfdaşlarında onun etibarlılığına və səmimiyyətinə olan inam azalmasın. 7-8 il ərzində “Nabucco” ilə bağlı verilən təkliflər və aparılan danışıqlar isə bunu təsdiq etməyə imkan vermir”.

APA-nın məlumatına görə, bu sözləri Azərbaycan Prezident Administrasiyası (PA) rəhbərinin müavini, administrasiyanın xarici əlaqələr şöbəsinin müdiri Novruz Məmmədov “Twitter” səhifəsində yazıb.

N. Məmmədov artıq “Nabucco” layihəsinin tamam unudulduğunu qeyd edib : “Görəsən, Avropada belə məsələlərə əhəmiyyət verilir?”