Türkiyə Bakı-2015 Avropa Oyunlarına böyük heyətlə qatılacaq.

ANS PRESS-in məlumatına görə, qardaş ölkənin 159 idmançısı yarışlarda 20 idman növü üzrə mübarizə aparacaq.

Türkiyə heyəti ən çox 24 idmançı ilə güləş və voleybolda iştirak edəcək. Bununla yanaşı, türk idmançılar Bakı 2015 Avropa Oyunlarında atıcılıq, idman gimnastikası, akrobatika gimnastikası, badminton, basketbol, velosiped, boks, qılıncoynatma, cüdo, avarçəkmə, karete, stolüstü tennis, kamandan oxatma, çimərlik voleybolu, sambo, sinxron üzgüçülük, su polusu, triatlon və üzgüçülük idman növləri üzrə medal qazanmağa çalışacaq.

Qeyd edək ki, Bakı 2015 Avropa Oyunları, 2015-ci il iyun ayının 12-dən 28-nə qədər keçiriləcək və qitə üçün çox maraqlı, cəlbedici, proqressiv yeni multi-idman yarışları olan heç vaxt görünməmiş ilk Avropa Oyunları olacaq.

Bakı 2015 Avropa Oyunlarında 16 Olimpiya idman növü və dörd qeyri-Olimpiya idman növü olmaqla ümumilikdə 20 idman növü olacaq. 17 yarış günü ərzində Avropanın hər yerindən 6000-dən çox idmançı öz xalqlarını təmsil edəcəklər.
Mənbə
ANS PRESS