Biləsuvar, 20 aprel, Mahir Babayev, AZƏRTAC
Biləsuvarda Heydər Əliyev Mərkəzində keçirilən növbəti nikah mərasimində ölkəmizdə gənc ailələrə dövlət qayğısından danışılıb, yeni ailə quran cütlüyə müqəddəs ailə ənənələrini qoruyub saxlamaq tövsiyə olunub.
AZƏRTAC xəbər verir ki, yeni ailə quran Aqşin Bağırov və Günay Əliyeva cütlüyü yaxınları ilə birgə əvvəlcə Ulu Öndərin abidəsi önünə gül dəstələri düzüb, xatirəsini ehtiramla anıblar.
Sonra mərkəzin foyesində nikah aktının imzalanması mərasimi keçirilib, qeydiyyat idarəsinin əməkdaşı nikah şəhadətnaməsini gənclərə təqdim edib.
Mərasimdə çıxış edən Heydər Əliyev Mərkəzinin direktoru Səyalə Şahbazova bəy və gəlinə xoş arzularını çatdırıb, onlara ailə səadəti arzulayıb.
Yeni ailə quranlar və yaxınları bu günün onların həyatında əlamətdar hadisə olduğunu, nikah mərasiminin Heydər Əliyev Mərkəzində keçirilməsini həyatlarının ən xoş anları kimi xatırlayacaqlarını qeyd ediblər.
Sonda evlənən gənclərə rayon icra hakimiyyətinin hədiyyələri təqdim olunub.