Ötən gün axşam saatlarında Bakının Suraxanı rayonunda 23 yaşlı gənc qaynatası tərəfindən döyülüb.

Suraxanı rayon Polis İdarəsinin 32-ci polis bölməsindən ANS PRESS-ə verilən məlumata görə, hadisə Suraxanı rayonu ərazisində, Qaraçuxur qəsəbəsində baş verib.

Qəsəbə sakini Orxan Müşfiq oğlu Kәrimov döyülməsi barədə bölməyə şikayət edib. Bölmədə aparılan araşdırmalar zamanı məlum olub ki, qaynatası Orxan Kərimova bir şillə vurub.

Söhbət zamanı şikayətçini qıcolma tutub. Onu təcili 3 saylı Şəhər Kliniki Xəstəxanasına çatdırıblar.

İşi araşdıran bölmənin təhqiqatçısı Əli İsgəndərovun ANS PRESS-ə verdiyi məlumata görə, Orxan Kərimov epilepsiya xəstəsidir. Bu səbəbdən əsəbləşdiyi üçün halı pisləşib.

Zərəçəkmişin halı pis olduğu üçün hələlik ifadəsi alnmayıb.

Faktla bağlı araşdırma aparılır.
Mənbə
ANS PRESS