Bakı, 11 aprel, AZƏRTAC
Adi öskürək dərmanının tərkibində olan aktiv inqredient qanda şəkərin səviyyəsini azaldır.
AZƏRTAC VOA xəbər agentliyinə istinadən xəbər verir ki, bu metod diabetin müalicəsində istifadə oluna bilər. Dextromethorphan, tərkib hissə kimi bir çox sirop və tabletlərdə öskürəyi sakitləşdirmək üçün istifadə olunur. Bu maddə beta hüceyrələri yaradaraq həm birinci, həm də ikinci növ diabetdə qan şəkərinin səviyyəsini azaldır. Amma bu, hələ diabetin müalicəsi deyil.
Almaniyanın Düsseldorf şəhərindəki Diabet Mərkəzinin direktoru, professor, fizioloq Ekhard Lammert və həmkarları siçanların və insanların üzərində təcrübə apararaq belə bir qənaətə gəliblər ki, dextromethorphan standart diabet dərmanlarına, məsələn metforminə əlavə olaraq istifadə edilə bilər.
Tədqiqat “Nature Medicine” jurnalında dərc olunub.