Rusiyanın xarici işlər naziri Sergey Lavrov belçikalı həmkarı Didye Reyndersi qəbul edib. Paytaxt Moskvada keçirilən görüşdə Rusiya Avropa Birliyi əlaqələri, eyni zamanda, Ukraynanın Donbas regionunda gedən döyüşlər və Rusiyanın bu məsələdə rolu əsas müzakirə mövzusu olub. Lavrov Avropa ilə əlaqələr məsələsinə reaksiyasında Moskvanın əlaqələri bərpa etməyə hazır olduğunu deyib.

“Danışıqlar zamanı hər ikimiz Avropada etibarsızlığın aradan qaldırılması üçün Avropa Şurasının daha fəal rol oynamalı olduğunu təsdiq etdik. Avropa Şurasının insan haqlarına zəmanətçi olmaq üçün göstərdiyi səyləri, ekstrimizə qarşı mübarizəsini dəstəkliyirik. Avropa Şurasının öz işində ikili standartlara yol verməməsi bizim marağımızdadır”

Ukrayna məsələsinə gəlincə isə, Lavrov problemin həllini Minsk razılaşmasının icrasında görüb. Lavrov qeyd edib ki, münaqişənin həlli üçün Minsk razılaşmasına heç bir alternativ yoxdur. “Ukrayna hökumətinə qarşı təzyiqləri artırılmalı və prezidentin imzaladığı sənədlərin şərtləri icra olunmalıdır”.

Lavrov onu da əlavə edib ki, Kiyevin razılaşmanın şərtlərini pozması qəbuledilməz faktdır. Onun sözlərinə görə, üsyançılar Kiyevin bu addımından sonra razılaşmanı ləğv etməyə çalışıblar. Lakin Lavrov Donetsk və Luqanskla Rusiya arasında əlaqələr yaxışı olduğu üçün onları müqavilənin şərtlərini pozmaqdan yayındıra bilib.
Mənbə
Associated Press