ABŞ-ın "Newsweek" jurnalı Türkiyə ilə bağlı məqalə dərc edib, daxili təhlükəsizliyə ən böyük hədənin sosial media olduğunu göstərib.

ANS PRESS-in məlumatına görə, qəzet bunu müəllifi Milli Təhlükəsizlik Şurasının olduğu bir sənəd əsasında yazıb. Sənədə görə, daxili təhlükəsizliyə əsas hədələr sırasında İŞİD və PKK kimi terror qrupları da yer alıb.

Bu il üçün nəzərdə tutulan Milli Təhlükəsizlik Siyasəti sənədində ümumilikdə səkkiz təhlükə etirazlar, paralel dövlət quruluşları, kommunikasiya təhlükəsizliyi, sosial media, kiber-təhlükəsizlik, kapital axınının təhlükəsizliyi, İŞİD kimi dini "istismar edən" təşkilatlar və etnik zəmində terrorçuluq, özəlliklə PKK sadalanır.

"Newsweek" yazır ki, Milli Təhlükəsizlik Şurasına prezident Rəcəp Tayyip Erdoğan, hökumət və silahlı qüvvələrin təmsilçiləri daxildir.

Xatırladaq ki, Türkiyə hökuməti aprelin 6-da sosial media saytlarının qısa müddətə bağlanmasına qərar verib.
Mənbə
ANS PRESS