Bakı, 8 aprel, AZƏRTAC
“Vətəndaş Cəmiyyətində Debat” İctimai Birliyi (İB), “Coca-Cola” şirkəti, Gənclər və İdman Nazirliyi “Youth Inc.” gənc sahibkarliq proqramının icrasını davam etdirir.
AZƏRTAC xəbər verir ki, aprelin 12-də “Youth Inc” proqramı çərçivəsində “Marketinq təlimi” keçiriləcək. Təlimin məqsədi gənc sahibkarlara marketinqin biznesdə rolunu aşılamaqdır. Bununla yanaşı, Azərbaycanda marketinqin uğurlu biznesin bir vasitəsi kimi inkişafına etməsinə dəstək olmaq, gənc sahibkarlıq fəallığının həvəsləndirilməsi də əsas məqsədlər sırasındadır.
Son iki ildə “Youth Inc.” çərçivəsində 8 yeni şirkət qurulub. Beş minə yaxın gənc proqramın müxtəlif tədbirlərində iştirak edib. Proqramın məqsədi Azərbaycanda biznes-inkubasiya üsullarının istifadəsi ilə gənc sahibkarlığa dəstək olmaqdır.