"Dövlət büdcəsində neftin qiymətini 50 dollardan hesablamaq normal haldır. Çünki biz neftion qiymətini minimal hədlə götürüb öz yolumuzu minimal rəqəmlərlə ölçməliyik".

ANS PRES-in məlumatına görə, bunu Azərbaycan Dövlət Neft Şirkətinin (SOCAR) prezidenti Rövnəq Abdullayev jurnalistlərə bildirib.

Onun sözlərinə görə, neftin qiymətinin sonradan bahalaşması heç bir problem yaratmayacaq: "Neftin qiymətinin sonradan bahalaşmasında heç bir problem yoxdur. Qiymət bahalaşacaqsa onda qazanc çox olacaq. Bu qiymətlər gizlədilmir. Neftin qiymətini 50 dollardan hesablamaq lazımdır ki, ehtiyatımızı saxlayaq".

SOCAR prezidenti bildirib ki, neftin 20 illik qalxıb-düşmə diaqramasını müşahidə edib. R.Abdullayevin fikrincə, 2017-ci ildə neftin qiyməti 80-90 dollar səviyyəsinə qalxacaq.
Mənbə
ANS PRESS