Ermənistanda vəziyyət günbəgün ağırlaşır. Ölkənin ixracat və idxal potensialı get-gedə minimuma enməsi əhalinin dolanışığına ciddi təsir göstərib və ictimai narazılıq artıb. Hətta vəziyyət sosial partlayış həddinə çatıb.

ANS PRESS-in məlumtına görə, Ermənistanın ixracı 26% azalıb, idxal isə 25% aşağı düşüb. Bunu Yerli mal İstehsalçıları İttifaqının sədri Vazgen Safaryan jurnalistlərə bildirib.

Onun sözlərinə görə, belə vəziyyətin yaranmasına Rusiya rublunun dəyərdən düşməsi səbəb olub. Rusiya rublunun dəyərinin itirməsi isə beynəlxalq bazarda neftin qiymətinin düşməsi ilə əlaqədaradır.

O, həyəcan təbilinin çalınması vaxtının çoxdan gəldiyini deyib: "Bu, çox təhlükəli vəziyyətdir. Mütləq ölkə hakimiyyəti bunu İctimai Şurada müzakirəyə çıxarmalıdır. Bütün təkliflər hökumətə göndəriləcək. Biz vəziyyətin son dərəcə ağır olması barədə ölkə prezidentinə müraciət edəcəyik. Amma prezidentin müdaxiləsinin təsiri olub-olmayacaq, bunu demək çox çətindir."

Mənbə
ANS PRESS