Bakı, 2 aprel, AZƏRTAC 
Xəbər verdiyimiz kimi aprelin 2-də Bakı Ekspo Mərkəzində “AITF-2015” 14-cü beynəlxalq “Turizm və səyahətlər” sərgisi açılıb.
Sərgi çərçivəsində aprelin 3-də Bakı Ekspo Mərkəzində Mədəniyyət və Turizm Nazirliyinin Almaniyada rəsmi turizm nümayəndəliyi olan "Aviareps Tourism GmbH" şirkəti tərəfindən təqdimat və seminar keçirilməsi nəzərdə tutulub.
Nazirlikdən AZƏRTAC-a bildirilib ki, tədbirdə “Aviareps Tourism GmbH” şirkətinin baş meneceri G. Jurgen tərəfindən Almaniya turizm bazarı haqqında ümumi təqdimat və yerli turizm şirkətləri və mehmanxanaları üçün seminar keçiriləcək.
Seminarda yerli turizm şirkətləri və mehmanxanalar iştirak edəcəklər.
Qeyd edək ki, “Aviareps Tourism GmbH” şirkəti Azərbaycanın turizm potensialının Almaniya turizm bazarında təbliğ olunması məqsədilə 2014-cü ilin aprel ayından etibarən fəaliyyət göstərir.