Kolumbiyanın Meta departamentində baş vermiş ağır yol qəzası nəticəsində 11 nəfər ölüb. APA-nın “Gazeta.ru”ya istinadən verdiyi xəbərə görə, bu barədə  NTN24 məlumat yayıb.

 

Qəza nəticəsində daha 8 nəfər xəsarət alıb.

 

Məlumata görə, qoşqulu yük maşını, avtobus və 3 minik avtomobili toqquşub.

 

İlkin məlumata görə, qəzaya səbəb yük maşının əyləc sistemində yaranmış nasazlıq olub.