AVRO-2016-nın seçmə mərhələsində V turun oyunları davam edir. ANS PRESS-in "Apasport"a istinadən məlumatına görə, millimizin qrupu ilə yanaşı, daha 6 qarşılaşma baş tutub.

Turun ikinci günü qonşu Türkiyə yığması çətin sınaq qarşısına çıxıb. “Ay-ulduzlular” səfərdə Hollandiya ilə görüşüb. 37-ci dəqiqədə Burak Yılmazın qolu ilə fasiləyə üstün yollanan Fatih Terimin yetirmələri son dəqiqələrdə qələbəni əldən verib. 90+3-cü dəqiəqədə “Qalatasaray”ın futbolçusu Uesli Sneyder komandasını məğlubiyyətdən xilas edib – 1:1.

B qrupunda tura liderlərin dueli ilə start verilib. Belə ki, İsrail Uelsi sınağa çəkib. Qonaqlar 0:3 hesabı ilə qalib gəlib.

Seçmə mərhələyə uğursuz başlayan Bosniya və Herseqovina səfərdə Andorranın qonağı olub. Bu dəfə də qonaqlar eyni hesabla meydan sahiblərini üstələyib – 0:3.

Evdə Kiprlə münasibətərinə aydınlıq gətirən Belçika isə darmadağınlı qələbəyə sevinib. Matç 4:0 hesabı ilə belçikalıların qalibiyyəti ilə başa çatıb.

Qeyd edək ki, H qrupunda yer alan millimiz Bakıda Maltaya 2:0 hesabı ilə qalib gəlib. Yığmamızın rəqibləri Xorvatiya Norveçi darmadağın edib (5:1), İtaliya Bolqarıstanla “sülh bağlayıb” – 2:2.


28 mart
“Avro-2016”nın seçmə mərhələsi, V tur

A qrupu

Qazaxıstan - İslandiya - 0:3
Qollar: Qudyonsen, 20 (0:1), Bjarnason, 32 (0:2), 90+1 (0:3)

Çexiya - Latviya - 1:1
Qollar: Visnakovs, 30 (0:1), Pilar, 90 (1:1)

Hollandiya - Türkiyə - 1:1
Qollar: B.Yılmaz, 37 (0:1), Sneyder, 90+2 (1:1)


B qrupu

İsrail - Uels - 0:3
Qollar: Remsi, 45+1 (0:1), Beyl, 50 (0:2), 77 (0:3)

Andorra - Bosniya və Herseqovina - 0:3
Qollar: Dzeko, 13, 49, 62 (0:3)

Belçika - Kipr - 5:0
Qollar: Fellaini, 21 (1:0), Benteke, 35 (2:0), Fellaini, 66 (3:0), Hazard, 67 (4:0), Batşuayi, 80 (5:0)
Mənbə
ANS PRESS