Bakı. 28 mart. REPORT.AZ/ Futbol üzrə Avro-2016-nın seçmə mərhələsi çərçivəsində keçirilən Monteneqro-Rusiya matçı ilk dəqiqədə azarkeşlərdən birinin atdığı məşəlin qapıçı İqor Akinfeyevin başına düşməsi nəticəsində yarımçıq dayandırılıb.
"Report" xəbər verir ki, insident nəticəsində rusiyalı qapıçı xəstəxanaya yerləşdirilib.
Stadionun diktoru oyunun 10 dəqiqəlik dayandırıldığını elan edib.
Polis əməkdaşları sözügedən azarkeşi tutmağa müvəffəq olublar. Fanat qrupunun rəhbəri rəsmi şəxslər və yığmaların nümayəndələrindən üzr istəyib.
Matç sonradan bərpa olunub.