Ukraynada Müslüm Maqomayev adına Mədəniyyət Mərkəzinin rəhbəri, Ukraynanın Xalq artisti Qurban Abbasov Ukrayna Azərbaycanlıları Birləşmiş Diasporunun (UABD) yeni ofisində olub.

ANS PRESS-in məlumatına görə, Türkdilli Ölkələrin Əməkdaşlıq Şurasının Ukrayna təmsilçiliyinin də yerləşdiyi mərkəzin fəaliyyəti ilə yaxından tanış olan Qurban Abbasov UABD-nin sədri Hikmət Cavadov və diasporun digər üzvləri ilə görüşüb.

Görüşdə əsasən Azərbaycan Mədəniyyətinin Ukraynada tanıdılması, təbliği, eyni zamanda bu ölkədə doğulmuş, böyümüş azərbaycanlı uşaqlara və gənclərə Azərbaycanın mədəniyyətini daha da yaxından öyrətməyin yolları müzakirə edilib.

Artıq bir neçə layihənin də yaxın zamanlarda reallaşması razılaşdırılıb.




Mənbə
ANS PRESS