[ 25 Mart 2015 15:02 ]
Bakı. Vüsal Nəbiyev – APA-Economics. “Dilarə Əliyeva küçəsində asfalt-beton örtüyünün döşənməsi işi tam başa çatdırılıb”.
Bunu “APA-Economics”ə açıqlamasında Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev deyib. O bildirib ki, Dilarə Əliyeva küçəsinin Puşkin küçəsi ilə kəsişməsindən Rəşid Behbudov küçəsi ilə kəsişməsinədək olan hissəsində işlər qalmışdı və hal-hazırda həmin ərazidə xətlənmə işləri həyata keçirilir. “Yusif Səfərov küçəsinin Bakı şəhər Baş Polis İdarəsinin qarşısından Heydər Əliyev prospektinin köməkçi hissəsinə qədər olan hissəsində asfalt-beton işləri yekunlaşdığı üçün hal-hazırda orada da yolun hərəkət hissəsinin üfüqi nişanlanması işləri aparılır”.
