Sumqayıt, 21 mart, Ətrabə Rzayeva, AZƏRTAC
“Azərikimya” İstehsalat Birliyinin (İB) kollektivi xalqımızın və bütün türk dünyasının ən əzizbayramlarından olan, insanları əmin-amanlığa, birlik və həmrəyliyə, saflığa və təmizliyə səsləyən Novruz bayramı ərəfəsində Əlil Qadınlar Cəmiyyəti Sumqayıt şəhər təşkilatının, Əlillərin Beynəlxalq Əməkdaşlığı Uğrunda Cəmiyyətin, Müharibə, Əmək, Silahlı Qüvvələr Veteranları Şurasının üzvləri, Şəhid ailələri və Qarabağ əlillərinin “Rahib”  Xeyriyyə Cəmiyyətinin, Respublika Gözdən Əlillər Cəmiyyəti Sumqayıt şəhər şöbəsinin, şəhərin aztəminatlı ailələrinin uzvləri, həmçinin Qızıl Aypara Cəmiyyəti Sumqayıt şəhər bölməsinin qeydiyyatında olan bir qrup insanla görüşüblər.
AZƏRTAC xəbər verir ki, görüşdə birliyin nümayəndələri imkansiz ailələrin və əlillərin yaşayış tərzi, ailə-məişət qayğıları ilə maraqlanıb, onların arzu və istəklərini dinləniyblər. Novruz bayram münasibətilə “Azərikimya” İB tərəfindən 1.000 nəfərdən artıq şəhid, əlil və veteran ailələrinə, həmçinin aztəminatlı insanlara bayram sovqatı paylanılıb.