Belə ki, təcrübəli voleybolçulardan qurulan “Lokomotiv” gənclərdən ibarət “Telekom” qarşısında büdrəməyib. Mövsümdə üçüncü baş məşqçi – Bülənt Karslıoğlunun rəhbərliyi altında meydana çıxan “dəmiryolçular” yalnız ilk setdə çətin anlar yaşayıblar. Lakin Eldar Yusubovun yetirmələrinin təcrübəsizliyi rəqibin işinə yarayıb və matç 3:0 hesabı ilə “Lokomotiv”in xeyrinə başa çatıb.
Turun digər matçında “Azərreyl” “Azəryol”la münasibətinə aydınlıq gətirib. Bu cütdə “yolçəkənlər” aşkar favorit olsalar da, məğlubiyyətdən qaça bilməyiblər.
“Azəryol” ilk seti qazandıqdan sonra növbəti 2 hissədə uduzub. Buna baxmayaraq, onlar əzmkarlıq nümayiş etdirərək, yenidən status-kvonu bərpa ediblər – 2:2. Tay-brekdə isə “Azərreyl” üstün oynayaraq, mövsümdə 3-cü qələbəsini qazanıb.
Beləliklə, XVIII turdan sonra turnir cədvəlində dəyişiklik olmayıb. “Rabitə”nin başçılıq etdiyi turnir cədvəlində yenə “Lokomotiv” ikinci, “Azəryol” üçüncüdür. Amma “Azərreyl”in “yolçəkənlər”ə qalib gəlməsi, onları ikinci pillədən 3 xal geri salıb.
XVIII tur
19 mart
“Azərreyl” – “Azəryol” - 3:2 (23:25; 25:17; 25:21; 21:25; 15:13)
Voleybol Mərkəzi
İlk dövrə: “Azəryol” – “Azərreyl” - 3:0 (26:24; 25:20; 25:16)
İkinci dövrə: “Azərreyl” – “Azəryol” - 0:3 (20:25; 16:25; 15:25)
Üçüncü dövrə: “Azəryol” – “Azərreyl” – 3:0 (25:21, 25:22, 25:20)
“Telekom” – “Lokomotiv” - 0:3 (21:25; 13:25; 22:25)
“Gənclik” Olimpiya İdman Kompleksi
İlk dövrə: “Lokomotiv” – “Telekom” - 3:1 (25:20; 21:25; 25:18; 25:19)
İkinci dövrə: “Telekom” – “Lokomotiv” - 0:3 (19:25, 15:25, 22:25)
Üçüncü dövrə: “Lokomotiv” – “Telekom” – 3:0 (25:11; 36:34; 25:15)
Yer Komanda O Q M 3:0 3:1 3:2 2:3 1:3 0:3 S T X
1. Rabitə 14 12 2 8 3 1 1 1 0 39-11 1197-991 36
2. Lokomotiv 15 11 4 5 4 2 1 1 2 36-20 1274-1226 32
3. Azəryol 15 9 6 5 3 1 3 2 1 35-23 1303-1201 29
4. Azərreyl 15 3 12 0 1 2 1 3 8 14-42 1097-1291 8
5. Telekom 13 1 12 0 0 1 1 4 7 9-38 936-1134 3
Milli.Az
