Amerika Birləşmiş Ştatlarının (ABŞ) vitse-prezidenti ilə Ukrayna prezidenti arasında telefon danışığı baş tutub.

ANS PRESS-in məlumatına görə, ABŞ vitse-prezidenti Co Baydenlə telefon söhbəti həyata keçirən Pyotr Poroşenkonun hərbi yardım, eləcə də bir sıra məsələləri müzakirə etdiyi bildirilir. Bu barədə Ukrayna dövlət başçısının mətbuat xidməti xəbər yayıb.

“Hər iki tərəf Minsk müqaviləsinin vəziyyətini, atılacaq addımları, eləcə də ABŞ-ın hərbi yardım məsələsini danışıblar”, – deyə xəbərdə qeyd edilir.

Birləşmiş Ştatların vitse-prezidenti Co Bayden ötən ay fevralın 18-də Ukrayna dövlət başçısı ilə telefon danışığı zaman eyni məsələni dəyərləndirmiş və ölkəsinin rəsmi Kiyevə dəstəyini davam etdirəcəyini vurğulamışdı.

Qeyd edək ki, Beynəlxalq Valyuta Fondu da Ukraynaya 17, 5 milyard dollar yardım ayırıb.
Mənbə
ANS PRESS