Moskva, 12 mart, AZƏRTAC
71 kiloqramadək çəki dərəcəsində yunan-Roma güləşi üzrə Rusiya çempionu Yuri Denisov deyib ki, Bakıda keçiriləcək Birinci Avropa Oyunlarında iştirak etməyə və qələbə qazanmaq üçün öz imkanlarından istifadə etməyə çalışacaq.
Y.Denisov martın 11-də Sankt-Peterburqda başa çatmış Rusiya çempionatı zamanı final görüşdə saransklı Denis Murtazinə qalib gəldikdən sonra deyib: “Avropa oyunlarına məqsədyönlü hazırlıq gedir, təlim-məşq toplantıları, yarışlar keçiriləcək. Bu turnirdə iştirak etmək üçün hər cür şansım var, axı mən öz çəki dərəcəmdə bu səfərin başlıca iddiaçısıyam. Çalışacam ki, oyunlarda iştirak edim və öz imkanlarımdan istifadə edim. Bu, Avropa çempionatı, mini-olimpiya oyunları qədər nüfuzlu turnirdir. Əlbəttə, oyunların qalibi olmaq istəyirəm”.
Fəridə Abdullayeva
AZƏRTAC-ın xüsusi müxbiri
Moskva