Kənd Təsərrüfatı Nazirliyi bayram yarmarkalarının ünvanlarını açıqlayıb.

Nazirliyin Mətbuat Xidmətindən ANS PRESS-ə verilən məlumata görə, 14-19 mart 2015-ci il tarixlərində Kənd Təsərrüfatı Nazirliyi tərəfindən paytaxtın bəzi rayonlarında və ünvanlarında kənd təsərrüfatı məhsullarının satış yarmarkaları keçiriləcək.

Yarmarkalar, Novruz bayramı ilə əlaqədar Bakı şəhər əhalisinin kənd təsərrüfatı və ərzaq məhsullarına artan tələbatının daha dolğun ödənilməsi, istehlakçıların seçim imkanlarının artırılması, süni qiymət artımının və möhtəkirliyin qarşısının alınması məqsədi ilə keçiriləcək.

Bayram yarmarkalarının ünvanlarını təqdim edirik:

Xətai rayonu (2 ünvanda) -Ukrayna dairəsinin yanı;

-Bakı kinoteatrının yanı;

Nəsimi rayonu -S.Vurğun küçəsi 73, Təzə Bazarın ərazisi;

Yasamal rayonu -Akim Abbasov küçəsi, İran klinikasının yanı;

Nərimanov rayonu -Gənclik metrosunun yanı;

Səbail rayonu -Badamdar qəsəbəsi, Seyran Məmmədov küçəsi 1, məktəbin arxası;

Suraxanı rayonu (2 ünvanda) -Qaraçuxur qəsəbəsi, Əhməd Mehbalıyev 2, “Vətən Şəhidləri Unudulmur” abidələr kompleksinin və hərbi hissənin yanı


-Əmircan qəsəbəsi, S. Bəhlulzadə küçəsi 12;

Binəqədi rayonu -Dərnəgül, Koroğlu Rəhimov küçəsi 53, Elit Ticarət Mərkəzinin yaxınlıgı.

Bayram günlərində Bakı şəhərinin digər yerlərində də yarmarkaların keçirilməsi nəzərdə tutulmuşdur. Bu barədə əlavə məlumat veriləcəkdir.

Əlaqə telefonu: Nazirliyin “Qaynar xətt”i-1652
Mənbə
ANS PRESS