Azərbaycanda əsgər ölümü baş verib. Lent.az-ın məlumatına görə, Gəncə Hərbi Prokurorluğundan azvision.az-a bildirilib ki, martın 7-də "N” saylı hərbi hissədə qulluq edən əsgər Bayramov Anar Günəş oğlu dünyasını dəyişib.
Bildirilib ki, ölüm hadisəsi ilə əlaqədar Cinayət Məcəlləsinin 125-ci maddəsi (özünü öldürmə həddinə çatdırma) ilə cinayət işi işi açılıb: “Hərbçi Anar Bayramov ali təhsilli olub. Hazırda araşdırma aparılır. Ola bilsin ki, faktla əlaqədar olaraq cinayət məcəlləsinin 120-ci (Qəsdən adam öldürmə) maddəsi ilə də cinayət işi açılsın. Həmin şəxsin hərbi xidmət müddəti iyul ayında başa çatmalı idi”.
Qeyd edək ki, Bayramov Anarın ailəsi tərəfindən mətbuatda məlumatlar yayılıb. Bildirilib ki, o, hərbçi yoldaşı tərəfindən güllələnərək qətlə yetirilib. A. Bayramov Azərbaycan Dillər Universitetinin məzunu olub.
