Gürcüstanın keçmiş prezidenti Mixail Saakaşvili özünə maşın ala bilməyib. ANS PRESS-in məlumatına görə, Ukrayna prezidenti Petro Poroşenkonun müşaviri təyin edilən Saakaşvilini qiymətlər təəccübləndirib.

"Şuster Live" teleşousunun qonağı olan keçmiş prezident Kiyevdə özünə "Hyundai" markalı maşın almaq istədiyini deyib. Lakin maşının qiymətini görən müşavir pis vəziyyətdə qalıb - bu pula Gürcüstada "Maserati" sahibi ola bilərsən.

Gürcü siyasətçinin paytaxtın mərkəzindəki ev istəyi də baş tutmayıb. O, ev tikintisi üçün yer əldə etmək istəyib. Lakin yerin və layihənin təsdiqlənməsi ilə bağlı uzun-uzadı prosedurlardan sonra bu fikrindən daşınıb.

Xatırladaq ki, bir neçə müddət öncə Ukrayna prezidenti Pyotr Poroşenko Gürcüstanın sabiq prezidenti Mixail Saakaşvilini öz məsləhətçisi təyin edib. Prezidentin mətbuat xidmətindən bildirilib ki, Poroşenko Mixail Saakaşvilinin məsləhətçisi (ştatdan kənar) təyin edilməsi barədə fərman verib.
Mənbə
ANS PRESS