Türkiyə sərhəddəki təhlükəsizlik tədbirlərini artırıb
Türkiyə sərhəddində anti-İŞİD koalisiya qüvvələri əməliyyat keçirib.

Anspress-in məlumatına görə, qırıcılar Şanlıurfa ilə sərhəddə yerləşən Rəqqa şəhərinə bağlı Telabyadda yerləşən maye-yanacaq istehsal edən təsisatı bombalayıb.

Qırıcılar İŞİD mövqelərinə iki dəfə hücum edib.

Şiddətli bombardman zamanı Şanlıurfanın Akçakale qəsəbəsinə yaxın evlərin pəncərələrinin şüşələri sınıb. Bombardman əhali arasına panikaya səbəb olub və hər kəs küçələrə çıxıb.

Partladılan İŞİD mövqesindən göyə qalxan alovu Türkiyə tərəfindən də rahatlıqla görmək olub. Türkiyə sərhəddəki təhlükəsizlik tədbirlərini artırıb.

Milli.Az