Bakı, 6 mart, AZƏRTAC 
İstehlak bazarında süni qıtlıq yaradılması, eləcə də əsassız qiymət artımı, istehlakçıların qiymətdə və çəkidə aldadılmasının qarşısının alınması məqsədilə İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən nəzarət tədbirləri davam etdirilir.
Nazirlikdən AZƏRTAC-a bildiriblər ki, Dövlət Xidmətinin əməkdaşları Bakı şəhəri, Suraxanı rayonu, Bazar küçəsi, mənzil 1-də Emil Məmmədova məxsus "Ballı" marketdə aparılan yoxlama zamanı satışda olan malların yarlığında göstərilən qiymətlərlə, həmin malların nəzarət kassa aparatının fiskal yaddaşında olan qiymətləri arasında fərqlərin olduğu, bununla da əsassız qiymət artımına yol verilməklə istehlakçıların qiymətdə aldadıldığını aşkar ediblər.
Qanun pozuntusuna yol vermiş şəxs barədə müvafiq tədbirlər görülüb.