Azərbaycan, Bakı, 5 mart /Trend/
Sumqayıt şəhər sakini 50 yaşlı Fatimə Tağıyeva Daşkəsən rayonunun Zağalı kəndi ərazisində idarə etdiyi Hünday markalı avtomobilin idarə etməsini itirərək aşırıb.
Trend-in Kəpəz TV-yə istinadən verdiyi məlumata görə, qəza nəticəsində müxtəlif bədən xəsarətləri alan Fatimə Tağıyeva əvvəlcə Daşkəsən rayon mərkəzi xəstəxanasına, oradan isə Gəncə şəhər TTYX-nın travmatalogiya şöbəsinə gətirilib.
Yaralıya dərhal lazımı tibbi yardım göstərilib. Həkimlər onun vəziyyətini orta ağır kimi qiymətləndirirlər.
Faktla bağlı araşdırmalara başlanılıb.
Məqalə müəllifi ilə əlaqə ünvanı: agency@trend.az
