Türkiyənin şərqində yerləşən Ağrı vilayətində zəlzələ baş verib.
Metbuat.az Türkiyə KİV-nə istinadən xəbər verir ki, zəlzələ Rixter cədvəli ilə 4,2 bal gücündə qeydə alınıb.
Türkiyə baş nazirliyi təbii fəlakət və təcili yardım mərkəzinin (AFAD) açıqlamasına görə, yerli saatla 11:03-də yerin 10 km dərinliyində baş verən zəlzələ qısa müddətli qorxuya və panikaya səbəb olub.
İlkin məlumata görə, zəlzələ nəticəsində ölən və yaralanan olmayıb. Ancaq Patnos rayonunun Susuz kəndindəki orta məktəbin divarlarında çatlar yaranıb. Bu səbəbdən rayondakı bütün məktəblər boşaldılıb və dərslər dayandırılıb.
Günay Elşadqızı / METBUAT.AZ
