​Arıqlaya bilməyənlərin etdiyi

Artıq çəki problemi bir çox insanın əsas qayğısına çevrilib. Pəhriz saxlayan, idman edən, amma nəticə ala bilməyənlərin sayı az deyil. Əslində isə problem çox vaxt iradədə yox, edilən səhvlərdə gizlənir. Bəs arıqlamağa mane olan ən böyük səhvlər hansılardır?

Metbuat.az arıqlaya bilməyənlərin buraxdığı ən böyük 5 səhvi təqdim edir:

1.⁠ ⁠Çox az yemək

Bir çox insan düşünür ki, nə qədər az yesə, bir o qədər tez arıqlayar. Amma bu, metabolizmanın yavaşlamasına səbəb olur. Nəticədə bədən “enerji yığmağa” başlayır və çəki vermək daha da çətinləşir.

2.⁠ ⁠Qida rejiminin olmaması

Saatlarla ac qalmaq, sonra isə birdən-birə çox yemək arıqlama prosesini pozur. Orqanizm sabit qidalanma rejimi tələb edir. Əks halda həm maddələr mübadiləsi pozulur, həm də artıq yağ yığılır.

3.⁠ ⁠Şəkər və gizli kalorilər

Şəkərli içkilər, “diet” adı ilə satılan, amma kalorisi yüksək olan məhsullar arıqlamağa ciddi mane olur. İnsan fərqinə varmadan gün ərzində normadan artıq kalori qəbul edir.

4.⁠ ⁠Yuxu rejiminin pozulması

Az yatmaq hormon balansına təsir edir və iştahı artırır. Bu da xüsusilə gec saatlarda yemək istəyini gücləndirir və artıq çəkiyə səbəb olur.

5.⁠ ⁠Səbrsiz olmaq

Bir çoxları qısa müddətdə nəticə gözləyir və tez ruhdan düşür. Halbuki sağlam arıqlama zaman tələb edir. Davamlılıq və düzgün yanaşma olmadan istənilən nəticəyə çatmaq çətindir.